有情飲水飽的婷婷，每次提起男友安志杰（Andy）都一臉甜蜜，但奇怪的是她直言兩人的關係不能更進一步，難道戀情出現暗湧？她說：「係最穩定嘅地步，已經唔可以再好！大家好夾，細個嘅童話故事，主角都搵到好鍾意嘅人，但唔代表真係搵到啱嘅人！我性格獨立，可以自己行街、遊埠。要搵個人同我每日做同一樣嘢係好悶，但依家每餐飯同佢一齊食都唔會悶，大家都好就大家。（事事遷就你？）性格都一樣。」

自言不懂化妝的婷婷，竟成為化妝品牌的Style Icon。

婷婷與安志杰經常出雙入對，十分甜蜜。資料圖片

唔想大排筵席

婷婷甜絲絲地表示二人常談論婚嫁，連挑選伴郎伴娘都早有共識，結婚可謂事在必行：「我哋有個共同女性朋友，想佢伴郎、伴娘集於一身！」她強調二人只欠一紙婚書：「冇人Push就對結婚冇所謂，差張紙同簽名，等佢同爹哋嚟個男人對話先，但大家都好忙。（閃電結婚？）我哋想安排得好啲，想大家嘅父母都喺度，小型婚禮已經可以，唔想搞到好似300幾人嚟飲。」

雖然生於演藝世家，但婷婷甚少向家人請教拍攝心得。資料圖片

放大圖片

有愛情滋潤的女人特別靚，婷婷亦不置可否：「壓力對皮膚差，有屋企同愛情令人開心，免疫系統都會好。」她這份由愛情衍生的光芒吸引Estee Lauder，自言不擅化妝、不懂護膚的她竟成為品牌的Style Icon。談起化妝經驗更笑料百出，她說：「我對化妝有興趣，但唔叻，細個會買晒咁多隻色嘅眼影、唇膏，但唔代表識化，好似BB用蠟筆咁畫，搞到眼痛。」

冇向鋒芝取經

婷婷投入拍攝首套電影，對於飾演傳奇人物李小龍的女友，她自覺榮幸，問到有否向哥哥謝霆鋒、阿嫂張栢芝取經？她說：「阿哥冇教，淨係話唔識做個角色就做自己，佢話『Be yourself, because you are good person』。阿嫂就話想搵人對戲，可以搵佢，父母就話要經歷，慢慢學。」

恨做打女拒搞笑

曾揚言不入娛樂圈的婷婷，最後亦成為圈中人，問到可會進軍樂壇？她有所保留地說：「之前話過唔拍戲，最後都係入咗娛樂圈，唱歌唔敢講，合唱都OK，一個唱好怯！」簽約王晶成為晶女郎的她，坦言想做打女，但不想演笑片，但其他晶女郎亦表示想演打女角色，晶哥開武打片時必定十分頭痕。