轉戰舞台劇的李潤祺近年劇約不斷，可謂「豐收年」！他非常感激高志森導演：「02年拍電視劇識佢，每次遇到啱我嘅角色都留畀我！」早前他與老拍檔焦媛大膽合演《赤之禁室》，尺度令人嘩然，他說：「同佢好熟，唔會尷尬！（愛上佢？）投入角色，同佢好好朋友，識咗好多年，佢每次演出都會搵未做過嘅嘢畀自己試，又唔怕辛苦！（楊思琦第一次做舞台劇點呀？）佢係好認真同專業嘅人！」
他又笑言早前與商天娥合演《石塘咀如花與大舊勝》時要飲洗腳水，是其演藝生涯中最「困難」的事：「真係要飲o架！但大家專業！（娥姐結婚？）係呀！佢有畀帖我，佢重演時比首演開朗好多，可能就結婚！（有結婚衝動？）冇，未準備好。」
