03/09/2010

播放本新聞相關短片

張衞健開巡迴騷重Happy輕Money

昨晚張衞健、梁漢文、蘇永康與佘詩曼等出席頒獎禮，談到近期工作，健仔表示將與康仔等四人往廣西、新加坡及溫哥華等地巡迴演出，問到是否豬籠入水？他笑言只是「密食當三番」：「諗落三番都冇呀！仲要除四，但最緊要係工作嘅開心指數高！」

早前草蜢曾笑言找鄭伊健成立新組合來撼他們四子，健仔笑言有仇必報：「草蜢嚟緊有25周年演唱會，我都想睇吓佢哋跳唔跳到兩個半鐘！蘇志威約我哋幾個去佢屋企食飯，到時我哋實搗亂，見咩就拎咩！」