混血名模Amanda S.昨晚出席《MOISELLE 2010秋冬時裝騷》，主動宣布與拍拖多年的意大利籍男友Christian已訂婚！手戴兩卡鑽戒的她大方憶述男友的浪漫求婚過程，一臉甜蜜幸福地說：「訂婚係三星期前嘅事。（男友點求婚？）佢同我講叫我八月十二號放假同佢去旅行，我本來想喺蛋糕店繼續工作，叫佢遲幾日先去，但男友話唔得。最終我哋去咗意大利一個小島，嗰度有私人沙灘。」

放大圖片	完騷後，MOISELLE太子爺陳柏熹上台謝幕。

月中睇場明年行禮

到達小島後，Amanda指男友安排拍拖睇流星：「佢知我冇見過流星，就同我瞓喺沙灘床上睇流星，每半個鐘有一粒，到半夜一點半時我見到兩粒，呢個時候突然有兩個人走埋嚟，拎住結他唱歌。本來我想叫佢哋走，點知佢哋唱嘅係我同男友嘅情歌，男友跟住向我求婚，仲攞住戒指！我嗰時不停咁喊，淨係識伸手出嚟戴戒指，唔識答佢Yes！」

范冰冰身穿露背裙出場，還大談工作動向。

陳志雲（右）與傳不和的王賢誌狹路相逢，大方合照。

Amanda表示與男友於明年舉行婚禮，但確實日期及地點仍未決定：「媽咪要睇風水，我哋會喺香港簽紙先，再去歐洲舉行婚禮，兩星期後會同男友去歐洲睇場地。婚禮只會搞一次，唔會喺香港搞，暫時唔會太快生BB。」

范冰冰赴韓拍電影

另外，同場的范冰冰以一襲紅色露背晚裝赴會，明艷照人。她透露將到韓國接拍由姜帝圭執導的中日韓電影《My Way》，與韓星張東健及日本男星小田切讓合作。曾不咬弦的陳志雲與王賢誌昨晚亦同場兼大方合照，但沒有傾偈。志雲指對方友善單純，自己則從未與人不和。