昨晚9時許，江若琳現身機場準備出發到意大利，代表寰宇電影《童眼》出席威尼斯電影節，她甫見記者即大吐苦水，慨嘆行李嚴重超重：「我帶咗四、五對高踭鞋，仲叫其他人幫我分擔行李。雖然我會出席電影節到9月5號，不過我請假到10號，順便去旅行！」她又爆母親擺烏龍為她預備了約2,000歐元，令她頗有壓力：「因為我一向甩甩漏漏，好怕唔見咗！經理人幫我分開幾個篋裝衫！（同荷里活女星鬥身材？）我都好滿意今次帶嘅衫！」