余文樂（樂仔）參演的3套電影《精武風雲．陳真》、《劍雨》及《童眼》均入圍威尼斯電影節，故他會行足3次紅地氈，認真威水！對於可出席國際電影節，他笑說：「真係好榮幸！行紅地氈嗰陣見到世界各地嘅粉絲，又有人講廣東話幫我打氣！好驚喜！」日前他先宣傳《精》片，與導演劉偉強及甄子丹出席記者會前，卻發生了令他心跳面紅的事！

電影公司上載合照

事緣他們在後台碰到同樣準備為電影宣傳的荷里活女星謝茜嘉艾芭及導演羅拔洛迪格斯，洛迪格斯即自爆很喜歡香港動作片，本身亦是子丹的粉絲，兩人一見如故，十分好傾！至於樂仔因與艾芭同場，平日口水多多的他突然變怕醜仔，雖然艾芭只以便服示人，但足以令樂仔面紅耳赤兼手心冒汗！其後電影公司發言人在微博發布一張二人的合照，只見樂仔擰歪面，刻意不望艾芭，發言人留言說：「嘩！有荷里活超級靚女……余文樂扮唔望人囉……勁呀！」鄭融亦以「HAHAHAHA」取笑他扮鎮定，樂仔亦說：「我個心好緊張！」

蘭茜露漢又甩底

其後，艾芭換上谷胸晚裝，與洛迪格斯出席主演的非競賽電影《Machete》午夜首映，心情大靚的她主動與粉絲合照及簽名，更表示電影乃「動作Cult」片：「戲中我成日要着高踭鞋拍打戲，開工嗰排德州嘅天氣好熱，拍得好辛苦！」至於曾被控醉駕的蘭茜露漢雖然有份演出，但已多次缺席宣傳活動的她今次亦不例外，有指導演嫌她形象差！

吳宇森將獲威尼斯電影節頒發終身成就獎，除了領獎外，原來他斥資千萬美元的武俠片《劍雨》亦會在水都作全球首映。《劍》片的最新海報昨日曝光，群星均以半張臉出現，令人想起《奪面雙雄》。