日本勁旅LUNA SEA成員河村隆一、SUGIZO、真矢、INORAN及J日前來港三日宣傳12月的演唱會，雖然行程緊密，但結他手INORAN返日前夕，把握機會抽空在香港這個美食天堂「搵食」，前晚他在LUNA SEA社長及助手陪同下，到銅鑼灣一間港式餐廳用膳，同行卻未見其他四名隊友。

INORAN大擦港式美食，還食到啜手指，相當滋味！

放大圖片

食得滋味啜手指

雖然INORAN行程秘密，但仍有近十位歌迷聞風而至，INORAN見狀亦友善地逐一為他們簽名及拍照。一行人隨即入到餐廳的VIP房，享用泰式砂煲翅、惹味黃金蝦、秘製黃金雞、鮑魚撈飯等多款美食，INORAN尤其鍾愛炒米粉，邊食邊大讚：「依滋棒！」適逢社長牛一，眾人着餐廳準備火燄蛋糕賀壽，又合唱英文生日歌，之後齊齊舉杯暢飲，社長開心地說：「謝謝。」

INORAN賣甩隊友，到銅鑼灣大快朵頤。

INORAN登車準備離開，同車的工作人員（左）則拿着辣椒醬。

飽餐一頓，INORAN仍有胃口食甜品，期間他眼定定研究一杯紅豆冰，又狂以飲管篤杯中物，見他啜到面都「凹」埋，十足大細路，而他食西多士亦津津有味，連手指沾到的糖漿都照舔入口。

打包辣醬做手信

INORAN一行人離開餐廳登車時，同行的工作人員替他拿着一袋「外賣」，還小心奕奕地放於兩腿間，據知，INORAN於飯局期間試食港式辣椒醬後瘋狂愛上，故特別柯打了兩支辣椒醬打包帶返日本。