身在意大利威尼斯參加電影節的甄子丹，原來是衛斯理的忠實擁躉，據知他拍攝《葉問》前已有意演這經典角色，並做定功課，卻遭電影公司老闆黃百鳴拒絕！原來黃百鳴有感當時的子丹仍未夠號召力而暫停開拍，惟《葉問》系列叫好叫座，加上原著作者答應出售版權，故他扑錘明年開拍，投資逾億元在港、日取景。女主角方面，據知電影公司已物色有分量的「亞洲美女」參演，包括韓星全智賢、日本女星藤原紀香及本地名模熊黛林。

黃百鳴指以前亦曾拍攝《衛斯理》科幻系列電影，事隔多年很有興趣再拍：「今次投資好大又有好多特技，子丹之前拍好多古裝片，係時候轉拍時裝片，畀啲新鮮感大家。（女主角係咪嗰三位？）仲傾緊，好多嘢係初步階段。」

暫停造人配合

余文樂昨日偕甄子丹及劉偉強出席電影《精武風雲．陳真》記者會，甄子丹以一口流利英語搶盡風頭，談到飾演陳真的難處，他說：「難在李小龍係我嘅偶像，佢演嘅陳真亦係典範，所以我演得中庸啲，唔能夠太似！」問到會否再生仔？子丹說：「暫時唔會！湊小朋友要花好多心機，唔想太太咁辛苦。」被問到《精》片作為開幕電影之一，導演劉偉強指電影節向來較着重藝術片，故今次被揀中感開心，又自爆與太太抵達羅馬機場轉機時滯留五小時！樂仔則表示今次獲Dior Homme及Comme des Garcons贊助「戰衣」，首度踏足國際影展紅地氈。

另外，《精》片在港舉行試映會，片中三場大型動作戲打到飛起，子丹更「全裸」兼露股！