張美妮的愛犬名叫「叻叻」，是一隻1歲多的玩具貴婦狗，美妮表示改這個名是希望牠聰明些：「佢好乖，本來我媽咪、爹哋都好怕狗仔，但依家見到叻叻就爭住抱，而我就好似做咗媽咪咁，錫到佢燶！」久而久之，叻叻已被美妮寵壞，美妮笑說：「之前我每朝食早餐，都會畀啲麵包佢食，唔知係咪食慣咗，依家朝早如果我未起身，佢就會係咁吠，要我起身餵佢食麵包，真係畀佢激死！」問美妮平日帶叻叻出街，牠會否撩是鬥非，她說：「唔會，佢好鬼細膽，而且好黐身，絕對唔會搞事。」
美妮帶叻叻出外沖涼、剪毛，每次要8百元，非常昂貴，所以她打算修讀寵物美容課程：「我已經做晒Research，學10堂都係6千幾蚊，計番可以慳好多！」
