本文重點
游泳時想保持雙眼精靈，o靚模蔡瑩瑩（Ivy）推介防水眼妝，以免由出水芙蓉慘變「出水熊貓」！
女士想趁炎炎夏日暢泳消暑，但又擔心溶妝出醜，可學o靚模Ivy的防水眼妝。只需畫上眼線及擦睫毛液，雙眼立即變得精靈，跟熊貓眼說Bye Bye，她說：「落水最怕眼妝會溶，所以一定要用防水力強嘅眼妝產品，L'Oreal嘅睫毛液同眼線咖喱色澤夠黑，而且唔易甩，唔會有熊貓眼嘅問題。」她還有不少眼妝貼士：「睫毛液一定要搽，可以提升眼形，我會揀一支有晒打底同黑色睫毛液嘅產品，夠晒方便，而用眼線咖喱最緊要控制分量，喺手背掃一掃，會易啲喺睫毛根部畫到幼長眼線。」
Summer版煙眼
為了在色彩繽紛的夏日搶鏡，平日愛化啡色眼妝的Ivy來個大改造，以海洋的藍綠色調塑造大眼妝，化妝師Kate說：「Ivy膚色白，可以用藍綠色，而膚色黑啲嘅女仔就可以用橙色，一盒多色嘅眼影可以加深輪廓，尤其啱輪廓淺啲嘅東方人。夏天冇咁興Smoky Eyes，用黑色眼影畫上眼線，下眼線就輕輕加深，就係夏天版嘅大眼Smoky。」
