俗語有云「喺邊度跌低就要喺邊度企番起身！」09年老遠由台灣跑來香港參選亞姐的劉伊心，來勢「胸胸」誓要入選三甲，可惜最後大熱倒灶，落敗而回。日前她強勢再戰香港這片失意地，到淺水灣一帶拍攝半裸寫真，狀態大勇的她實行不畏寫真戰水尾，硬撼周秀娜等一眾o靚模的Big爆寫真集，果然很有膽識。

雙眼變大 鼻骨筆挺

據知情人士透露，原來天未光，劉伊心已拉大隊到淺水灣僻靜處拍攝半裸寫真，更豪不吝嗇勁騷其34D身材。拍攝後，劉伊心繼續忙裏偷閒，在沙灘上休息兼大曬日光浴，期間更不停搔首弄姿，一時挺胸收腹，一時又趴地看書，實行360度展露其火辣身材，但其樣貌明顯與參選時略有出入，不但雙眼變得又圓又大，就連鼻骨都霎時變得筆挺，台灣的化妝技術果然能化腐朽為神奇。未幾，劉伊心走到沙灘戲水，更懶理途人目光喪跳兼大叫，期間一班男途人上前搭訕，更有人遞上雪糕，冧得伊人哈哈大笑。由於天氣炎熱，劉伊心也即時食雪糕降溫。

劉伊心趴地看書，「胸」湧身材令人窒息。	一名男途人被劉伊心的吸引，遞上雪糕給伊心消暑。	食到滿口雪糕的劉伊心，童心未泯。

亞視邀請 考慮回巢

事後，本報記者致電劉伊心求證拍半裸寫真一事，而她亦大方承認，由於其寫真下月才推出，問到會否擔心食水尾及與香港一眾o靚模比較時，伊心說：「冇有怕！大家身形、樣貌以至造型都唔同，唔怕比下去，只擔心自己嘅知名度低，號召力較弱，導致銷量唔好！」她更自爆若亞視找她回巢的話，她也會考慮。

完成拍攝後，劉伊心趁機享受日光浴。

熱心男子充當護花使者陪劉伊心離開。