阿佘、陳豪、陳法拉、鍾嘉欣及關菊英等昨日穿上戲服到奧海城宣傳《公主嫁到》，並與現場觀眾玩遊戲，遊戲性質都是傳達「團結就是力量」的訊息，希望為哀傷的港人帶來正能量！阿佘、陳豪及法拉都希望此劇為大家帶來歡樂，紓解愁緒。

演員做出心形手勢，把「開心」送給觀眾！

陳法拉與馬國明落力宣傳，力谷收視。

阿佘在劇中演刁蠻公主表現出色，與陳豪擦出火花，問到是否做回自己？阿佘笑說：「係靠演技，我冇公主病o架！（怕唔怕乞人憎令觀眾唔接受？）唔會！演員要多方面嘗試，不斷畀新鮮感觀眾係好事。」同樣地，陳豪亦覺得與阿佘很合拍，大讚她演得好：「我哋第一次合作喜劇，諗唔到佢變化咁大，刁蠻公主唔易畀人接受，但阿佘處理得好好。（阿佘話佢冇公主病，你身邊嗰個有冇？）好彩未遇過！（遇到佢刁蠻時會點處理？）氹番佢囉！等佢冷靜過後再將現實情況講佢聽。」

法拉呷祥仔醋

此外，法拉在劇中除了武功了得亦要搞笑，對於辛苦拍完的打鬥場面最終只播得十多秒，她坦言感到失望。問到男友可有讚她有喜劇細胞？她笑說：「佢鍾意阮兆祥同陳豪多啲。（有冇呷醋？）我呷大Ex（阮兆祥）醋！」