張家輝與惠英紅前晚在《第10屆長春電影節》再度稱帝封后，昨午返港時，家輝興奮地親吻獎座，更大方借出獎座讓接機的Fans及傳媒拍照。他笑言得獎後首個通知的並非太太關詠荷，而是《証人》導演林超賢，談及得獎感受，他感慨地說：「呢個頒獎禮兩年舉行一次，即係對手有兩年嘅作品，所以係好大挑戰，贏到有好大認可！」他希望外間不要以為他已拿下6獎便會變得麻木，其實等候賽果時，他內心依然騰騰震！

出爐影帝張家輝凱旋返港，興奮地親吻獎座。	出爐帝后張家輝與惠英紅，在頒獎禮上雞啄唔斷。	擔任頒獎嘉賓的江若琳（右），化身小Fans與惠英紅合照。

惠英紅趕復工

家輝對英皇新作《綫人》亦充滿信心：「3日票房三百幾萬，算唔錯喇！所以落機後想一個人去戲院睇戲，應該唔會慶功咯！（跟你多年嘅助手都開心到喊？）我好感動，因為《証人》係佢陪住我拍，所以都想約埋班同事食餐飯。（憑《綫人》再下一城？）唔好畀壓力我，搞到我個病（情緒病）又復發，黐咗線你哋就知！」

至於出爐影后惠英紅則已收拾心情，昨日飛抵上海為新片開工，她說：「宣布嗰陣講咗趙薇先，個心真係跌落嚟，後來講埋我，覺得失而復得！」另外，對於憑《歲月神偷》捧走女配角獎的吳君如由女主角淪為女配角候選人，導演張婉婷說：「呢啲唔係我哋去衡量，總之有獎攞就有交代，有獎金o架！（戥佢唔抵？）冇所謂啦！」