尹子維生性花弗，即使去年萬聖節被影到與索模貝安琪在夜店激咀，但仍堅稱冇拍拖，前晚疑背住女友在中環「偷食」攬中女！前晚凌晨三時許，尹子維與一名女子在中環一間樓上酒吧，女方雖然不屬模一族，但穿上低胸貼身背心，身材惹火，起初兩人舉動未見太熟落，之後手貼手轉場到另一間酒吧。身為蘭桂坊「常客」的尹子維，途中遇上另一位女性朋友，即友善地上前打招呼，並介紹身邊女伴給對方認識。

尹子維與中女在酒吧邊飲邊傾，有傾有講。	當眾攬啜	尹子維與中女又攬又錫，場面火辣。

與中女在酒吧暢飲狂歡個多小時，尹子維期間曾獨自到附近提款機取現金，再折返酒吧。兩杯落肚，中女離開時似乎略帶醉意，身體借勢愈挨愈埋，尹子維完全被攻陷，懶理旁人目光，在街頭又攬又錫，女方及尹子維的連串動作，火辣激情！最後兩人登上的士返回北角城市花園酒店，落車後，中女仍不願放手，不停拉住尹子維的手臂，最後尹子維亦順意跟女方返回下榻的酒店。

拉扯返酒店	兩人乘的士返酒店，拉拉扯扯，甚為癡纏。	糖黐豆 尹子維黐實中女，還一手放在中女胸前。

貝安琪母：可能開會呢？

尹子維昨日在電話中否認另結新歡，透露兩人是大學同學，相識十六年。問到是否背住貝安琪「偷食」？他說：「我冇同佢（貝安琪）拍拖，關係唔係你哋諗咁！嗰個女仔係我大學同學，佢返嚟香港度假幾日，唔識路咪送佢返酒店，但冇過夜。」貝安琪的手機則飛到留言信箱，反而身在德國的貝安琪媽媽劉香萍則出言力撐尹子維有修養、有型又靚仔：「我睇住佢（尹子維）大，佢同我個女只係兄妹關係。（送個女仔返酒店？）可能開會呢？又可能對方送禮物畀佢。（佢哋喺條街好親熱？）可能有啱嘅女仔，總之一日未結婚都可以識其他異性，將來先唔會後悔。」