昨晚在紅館舉行以獅子山下紀念羅文為主題的《香港夏日流行音樂節》，沒有如首場般進行默哀儀式，妖冶Look打扮的草蜢三子壓軸登場時獻唱多首羅文快歌，全場Fans High爆站立，他們自言要全情投入羅文的世界，因此不叫「草蜢」改叫「羅蜢」。全身閃爆的蔡一智問台下觀眾：「我閃唔閃Pop呀？」蔡一傑隨即再問：「咁我型唔型Pop呀？」身旁的蘇志威（阿細）叫傑仔除衫晒肌，卻遭傑仔拒絕，阿智即搞笑說：「係你先會自封型o架啫！我睇到你就憎啦！」

Joey、伊健和草蜢在台上勁歌熱舞，伊健更遭上下其手。

許志安騷麒麟臂，引來歌迷狂摸。

阿智及阿細在台上跳舞時不慎露T-Back，全體歌手在台上合唱羅文的《激光中》時，伊健繼續被「圍攻」，遭阿智及祖兒「上下其手」。

至於打頭陣的張衞健（Dicky）及許志安等獻唱串燒快歌時，兩人先後騷麒麟臂，Dicky又頻頻烏低扮模晒「事業線」。其後台下Fans起哄，要求安仔唱大熱廣告歌《尖尖尖》，他立即清唱幾句，並笑言是本年度最Hit歌曲，Dicky不讓兄弟專美，風騷拋頭巾給台下觀眾，全場High爆！

伊健被摸冇尷尬

緊接是容祖兒（Joey）和鄭伊健手拖手出場，Joey回想10年前，師父羅文首次帶她上舞台：「10年真係好快過，今晚（昨晚）老闆（楊受成）都有嚟睇，見證我呢10年嘅成長，連颱風都嚟賀我哋，叫『獅子山』！」Joey與歌迷握手時，被熱情的歌迷扯住，她笑說：「好似玩扯大纜咁，你哋未夠皮就11月20日再嚟啦！到時喺我演唱會再扯過！」

慶功宴上，伊健強撐被摸沒有尷尬：「我揮灑自如。（真係摸到？）冇所謂啦！都摸咗3晚啦！我唔係驚，我見佢哋摸我又自摸囉！」阿智又笑阿細露T-Back是因為他「管教無方」，讓T-Back「跑」了出來！另外，草蜢及祖兒分別宣布演唱會加場，而伊健明年紅館開騷，三喜臨門！