「香港小姐」已經舉行過38屆，歷屆有不少高質港姐，應屆三位亦各有心頭好。
陳庭欣：蔡少芬好Nice
「最鍾意蔡少芬，覺得佢好靚同合眼緣。我有位相熟嘅朋友做日本餐廳侍應生，對方話蔡少芬真人好Nice，做咗咁多年都冇擺明星架子，佢演出嘅電視劇我全部有捧場。」
張秀文：朱玲玲最經典
「朱玲玲係歷屆中最經典嘅一個，另外我又鍾意郭藹明，佢哋形象健康，非常合乎港姐嘅銜頭，我會以佢哋為目標。」
莊思明：佘詩曼有個性
「我會揀佘詩曼，覺得佢好有個性，近幾年阿佘嘅演技被大眾認同，令大家差啲忘記佢係港姐嘅身份，我覺得佢真係好有自我風格。」
