王祖藍、阮兆祥、李思捷、薛家燕、鍾舒漫、泳兒及王梓軒等昨晚出席《TVB兒童節天才大匯演》，提到有人曲解成龍意思，薛家燕說：「我諗唔係佢寫。（你笑人英文冇咁好？）唔係，講到一口流利英文已經好好，可能佢樹大招風！我上微博唔會假手於人，每次留言要三思。」她並表示會跳《Nobody》娛賓：「好開心可以同王梓軒表演，我專登搵佢做拍檔。（着貼身衫？）唔使話人知我有事業線。」
同場的鍾舒漫說：「第一次同小朋友演出，好緊張。第時會生小朋友，但唔會寵壞，唔啱會指摘。（唔驚佢告你？）要好好溝通，對小朋友同男友一樣，要軟硬兼施。」而「福祿壽」再次同台演出，更掀起全晚高潮。
