向來緋聞多多的G.E.M.，先後與陳柏宇及陳偉霆等傳緋聞，近日則傳她搭上台灣歌手林宥嘉（Yoga）四個月，上月兩人被目擊在銅鑼灣拍拖睇戲，有指Yoga為爭取見面時間，一有空檔即秘密從台灣來港，又直言崇拜「音樂天才」G.E.M.。

G.E.M.昨日戴上傳聞中與Yoga的情侶手鏈及疑似男友送的頸鏈出席活動，被問到緋聞時，她笑說：「拍唔拍拖都唔會講，到結婚先講。（Yoga係結婚對象？）唔想回應咁多，就嚟出碟，唔想緋聞成為焦點。」雖然她擔心被指博宣傳，但又忍不住默認戀情：「畀啲空間我哋啦！」現年19歲的她坦言想22歲結婚。對於被爆上月與Yoga拍拖睇戲，她即扮失憶，但又突然爆出一句：「追求者要止步喇！」問到是否名花有主？G.E.M.順勢硬銷新碟：「我唔係花。（關係點？）和諧關係，希望大家將焦點放喺新碟《秘密》度。」

陳偉霆　「兄弟」唔曝光

對於前緋聞男友陳偉霆將在電影中處男露股，G.E.M.大呼：「咁大鑊？不過我鍾意揸『男醜股』，佢都唔怕醜。」似是隔空向出名怕醜的Yoga傳情！

另外，陳偉霆在另一活動上，提到將與夏文汐、吳家麗及葉璇等合演新片《出軌的女人》，並飾演男妓，他笑言性感底線是不出賣「兄弟」：「其實未必露股，到時睇吓個情緒去到咩位先決定，唔一定要露，我個屁股好白，如果真係要露，要曬吓燈先！」