昨日Ana R.為羅浮宮行婚紗騷，自稱單身的她澄清早前陪她買餸的猛男，只是台灣朋友。對於莊思敏隆胸後上圍兩Cup跳，Ana坦言在《香港先生選舉》時見過對方，只覺與以前分別不大，又表示不會隆胸：「有男仔話鍾意我，想畀錢我隆胸，我激到走咗！如果個胸大到一隻手都遮唔晒，咁就太大。自己身材OK，唔會隆胸。」
至於為法國婚紗行騷的莊思敏，對Ana所言不感意外：「有人以為我拆咗添！因為我冇再用墊，唔係好誇張。（男友吳浩康睇過？）見過，佢都話正咗！（有冇『炒飯』﹖）咁又冇。」對於有報道指她隆胸後痛了很久，她即解釋：「只係痛咗幾日，搞到啲客以為我未好番，唔搵我做嘢，佢倒我米就真。」
