據知，亞姐主辦單位日前開會，大會負責人葉家寶於會上提到賽會擔心菲律賓佳麗來港參賽，可能會受到排斥而構成心理壓力，經商議後決定今屆亞姐將不會邀請菲律賓代表參賽，騰出的參選空缺如何處理則暫未有定案。

葉家寶否認今次拒邀菲國代表是歧視。(資料圖片)

謝偉俊指亞姐賽會做法影響香港形象。(資料圖片)

不過，身為執業律師的立法會旅遊界代表謝偉俊批評該做法：「暫時冇法例規定選美唔畀邊啲人參加，但亞視咁做好過分，影響香港形象，令人覺得港人好小器，參加定避席應該留畀菲律賓代表決定。」而亞視公關部發言人區展程則否認歧視：「港人對慘劇歷歷在目，咁做為免港人難堪。（歧視菲律賓？）冇！主要顧及佳麗感受，唔想佢心理受傷害。」

至於無綫的《國際中華小姐》會否效法？無綫外事部副總監曾醒明指會接納菲律賓佳麗參賽：「今年會照樣安排國際地區嘅華裔佳麗參賽，馬尼拉代表係華裔小姐，所以唔擔心參賽會有問題，香港人係理性，唔會將對菲警嘅不滿投射到菲律賓佳麗身上。」