謝雪心：「師傅白雪仙今次心情都好沉重，當日我喺電視目睹香港遊客死傷慘重，即刻胃抽筋要食藥。尋日途經尖東遇見一排排嘅旅遊車，即刻勾起往事好難受！只要志偉發起籌募善款演出，八和同粵劇界一定全力支持。」
江欣燕：「我個心都好悲傷，一個人嘅一念之差令到件事有咁嘅結局，我都覺得唔應該有咁多仇恨，希望死者家屬盡快平復。我嗰晚睇新聞睇到第二朝七點幾，依家見到旅遊巴都驚。（參加明日遊行？）唔會！但會用個心去悼念。」
萬綺雯：「好耐冇同甄子丹聯絡，只係喺新聞上知道佢為Fans梁頌學（Jason）錄音打氣，我每日都有更新呢宗新聞嘅最新消息。」
C君︰「菲律賓當局唔應該『扯貓尾』互相推卸責任，冇可能得一邊有問題，官、警同槍手都有責任！」