佘詩曼及林峯等昨日出席《花花世界花家姐》拜神儀式，經常與同劇男主角傳緋聞的阿佘，卻從沒跟林峯傳出緋聞，難怪阿峯笑言自己欠魅力：「我哋之前合作《歲月風雲》，佢都係同第二個傳，我真係要檢討吓！可能我唔夠魅力，呢個劇應該傳喇啩！」阿佘則強調會否傳緋聞與傳媒有關：「冇傳咪好囉！（怕唔怕傳你嫌棄佢？）點會嫌棄『公子峯』呀！我哋合作好多，識咗好耐，合作愉快咪好囉！」
對於新劇《摘星之旅》收視一般，林峯認為《摘》劇在內地先行播出有影響，並直言感失望，問到會否擔心影響爭奪視帝的機會？他說：「唔好『煲』我啦！我想專心做自己嘢！（有壓力？）『煲』得多驚你哋悶呀！」此外，新劇《公主嫁到》雖然收視理想，但阿佘表示因港人在菲律賓遇害慘劇而沒有心情慶祝，又直言即使菲律賓全國哀悼也於事無補，惟有寄望《公》劇能為觀眾帶來歡笑，安撫心情。
