李嘉欣經理人陳善之昨日陪同旗下的黎明名模愛妻樂基兒（Gaile）到上海出席《Emily London X STACCATO》系列鞋履展，對於近日有傳李嘉欣懷有女嬰並因此推掉酬勞三千萬元的工作，陳善之說：「寫啫！我唔會答！冇推過Job，一路都幫佢接緊Job。（嘉欣通知你好消息？）唔回應！今日係Gaile嘅活動！」
自言不會八卦及不知道嘉欣是否有孕的Gaile，再次以貼身裙及拍肚皮否認有孕：「如果係，我會講，暫時一兩年都唔會，大家都多嘢做。（有協議？）大家有商量過。」對於莊思敏隆胸，曾隆胸再「拆彈」的她表示未有留意，因要陪來港的家人觀光，黎明也有陪外母吃飯。問到見到莊思敏會否問她？她說：「我好少同人講呢啲，見面先算。（介意重提你曾經隆胸？）唔會，對我嚟講好小事。」她續稱對港人遇難感到傷心難過，問到若有工作要往菲律賓是否敢去？她說：「做嘢都冇辦法，但未發生嘅事唔知會點！（如果黎明要去做嘢，會唔會阻止？）以我所知，呢一分鐘佢唔需要去，佢識得照顧自己，唔會太擔心！」
