張敬軒之前同師妹麥家瑜（Keeva）合唱咗首《石徑》大受好評，不過小小So留意咗好耐，都唔見佢哋兩個有咩宣傳活動，軒仔之前就話忙音樂劇啫！咁Keeva呢個小妮子又去咗邊呢？小小So最後都忍唔住打電話去問佢。
小小So：喂！你同軒仔唱嗰首《石徑》成績好好喎！
Keeva：多謝大家支持啫！
小小So：但點解唔見你哋出嚟宣傳嘅？
Keeva：我患咗中耳炎，依家休息緊，連錄音都要延期啦！
小小So：吓！咁嚴唔嚴重o架？點解耳仔會發炎嘅？
Keeva：醫生話係咽喉管有嘢塞住所以發炎，可能因為傷風冇理，愈搞愈嚴重啦！又趕錄音，心理壓力都幾大，舅父仲嚇我會聾添！
小小So：咁你真係要好好休息吓喇！