25/08/2010

播放本新聞相關短片

傅穎熱捧瀛界運動風

傅穎轉型做跳舞歌手,預備大批運動戰衣密密練舞,還將運動元素融入時裝,運動服再不是男性的專利!

傅穎(Theresa)以大眼妝及金髮成為日系女神,別以為她永遠娃娃裙不離身,只會走少女味重的路線。其實Theresa緊貼日本潮界的運動風,較少參與戶外活動的她,亦鍾情休閒的運動裝束,貪其舒服清爽:「我鍾意網球衫,好似短袖或背心Polo恤、運動連身裙咁,用嚟襯衫都唔錯。雖然我平時好少玩戶外活動,但如果有朋友叫我去打網球,我會成套運動裝咁襯,配合番個環境。」

傳統的運動服予人平實之感,但日系運動風將運動裝單品融入街頭服,帶出不同的感覺。日本少女愛以波鞋配襯大熱的連身長裙,或以Polo恤襯太陽帽,塑造高貴的Golf風格。運動風甚至入侵Hi-fashion界,天橋模特兒及國際巨星常以玩味十足的波鞋潮襯筆挺的西裝,大玩Mix & Match!

揀衫鬆緊合一

Theresa將運動元素融入時裝,而她最重視揀波鞋的一環:「我行路好易仆親,揀鞋一定要好舒服,Lacoste Footwear對紅色波鞋個內櫳好舒服,毛巾質地軟綿綿。」她大讚該品牌的黃色波鞋設計夠細心,最適合雨季的夏天:「嗰對鞋顏色好搶眼,膠質至啱夏天着,就算成日落雨都唔怕搞到對腳濕晒。」

身形纖瘦的Theresa更提供揀運動衫的貼士:「依家嘅運動型背心好多都有收腰剪裁,Trendy啲,好Fashionable,唔再屬於媽咪級。我好鍾意運動Top,但唔鍾意上下身都好鬆,要Mix鬆同緊身嘅衣物,做運動嗰時會着緊身嘅背心,下身配泡泡褲,再加件薄身嘅外套。」

Polo恤男士恩物

Theresa認為Polo恤是送給男士的好禮物,並推介顏色鮮艷的款式:「好多男士都會着Polo恤,送呢啲衫畀男性朋友幾好,顏色選擇又夠多,而且尺碼容易預算,唔會咁易買錯尺碼,而且好容易Carry,咩類型嘅男士都啱。」

林嘉慈