近日忙於拍攝電影的周秀娜（Chrissie），昨日抽空為內衣品牌行騷時表示，每日要穿上比堅尼在沙灘暴曬12小時打沙灘排球，令皮膚變黑：「我今日做內衣騷，都要用粉底補色！」並開玩笑自嘲變成「黑白波」：「我就快多個花名叫『雙皮奶』。（戲中邊個演員『雙皮奶』情況最嚴重？）我只係睇到自己！依家都仲可以補救，遲啲就冇得救！套戲只係拍咗幾日，要拍到9月中！」

周秀娜雖然日曬夜曬，膚色變黑，但狀態依然大勇！	Chrissie行Catwalk時自信爆棚，成為傳媒焦點。	模特兒當眾剝去外衣，相當大膽！

問到男友可見識過「雙皮奶」？Chrissie說：「我近期好忙，冇見過佢！」她坦言與同片演員每日差不多用幾支防曬，但也無補於事！問到會否考慮裸曬，令膚色變均勻？她笑說：「喺香港就唔會喇！不過又冇時間去外地，或者私人泳池都可以考慮吓！」

聞港人遇害感痛心

另外，提到港人在菲律賓被挾持及殺害，Chrissie表示有收看電視直播，令她相當無奈：「我覺得好心痛，睇到想喊！嗰刻覺得要珍惜朋友同家人！（當地警方無能？）我一路睇一路好忟，點解會咁慢同用咁嘅方式，不過冇辦法！」她希望死者安息，而幸存者則勇敢活下去。她表示從未去過菲律賓：「相信今次係個別事件，唔會影響我日後去當地嘅意欲！」