25/08/2010

播放本新聞相關短片

杜汶澤讚梁先生捨身救人

本港旅客在菲律賓遭槍手挾持事件,最終流血收場,杜汶澤昨日大讚遇害的梁先生為保護其他人質而奮不顧身救人,令他大為感動!他坦言未來一、兩年也不會涉足當地旅行,希望港人能減少負面情緒。問到會否開拍相關題材的電影?他不屑地說:「冇興趣!自己創作故事好啲,我淨係睇直播新聞都好心痛喇!」

至於拍動作劇情片起家的林超賢,昨日亦斬釘截鐵地說:「冇必要喺呢個時候拍呢啲題材。(唔考慮去菲律賓拍戲?)咁多年都冇去過!反而去年我囡囡去當地農村做過義工,諗起都一額汗!(抵制菲島?)港府發出黑色旅遊警告,都已經係抵制嘅一種!」而王晶則透露20多年前曾赴菲律賓開拍《爛賭英雄》:「當時都OK嘅!不過夜晚唔敢出街囉!」他坦言不會考慮開拍相關題材的電影:「諗都冇諗過,呢件事咁傷心同悲痛!」