香港旅行團在菲律賓遭槍手挾持最終釀成慘劇，矛頭直指菲警無能，梁漢文（Edmond）前晚在微博不禁爆粗：「死咗七個啦，FXXK！」事後他自覺「失言」即留言：「我知道我講粗口係唔啱，但真係忍無可忍。」昨日他接受訪問時表示，爆粗只為發洩情緒：「成晚睇住啲新聞片，菲警處理方法唔夠積極，生命先係最重要！為咗發洩情緒，嗰個Moment就用咗嗰4個英文字！並無針對任何人！尋晚老婆睇到喊，我仲要安慰佢！呢幾年我未流過一滴淚，不過今日睇新聞都頂唔住喊！」但他撐菲傭與事件無關！
另外，Edmond、張衞健、許志安及蘇永康昨日穿上素服排舞，為死難者及其家人寫上祝福語：「香港人都感受到你們的悲痛！香港人都看到你們的勇敢！香港人都在為你們加油、祈禱！主祐！」張衞健太太張茜表示，會為事件活下來的人祈禱，希望能早日恢復過來。