樂壇天后容祖兒昨日到新城為節目錄音，因菲律賓事件令她覺得不宜宣傳，故臨時取消接受記者訪問。事後本報聯絡上祖兒，她坦言看新聞後感到很難過，為旅客在車內煎熬了多個小時而痛心：「槍手為咗自己一個人嘅清白，竟然犧牲咗多條性命，真係好唔值得！」她希望生還者早日康復，勇敢活下去。
對於網上發起炒菲傭，祖兒說：「唔可以加罪喺呢個國家，今次係個人問題，唔應該歧視，社會已經好多病態出現，希望大家少啲怨氣！我個菲傭心情都好沉重，對住我哋都有歉意，希望大家唔好將仇恨擴大！」她表示6月曾到菲律賓的蘇碧拍廣告，感覺該國不夠先進。
另外，袁彌明家姐與友人合資的餅店原定於昨日舉行「登陸」儀式，但袁彌明表示因家姐覺得不宜於此時搞喜慶事，最終取消活動。