25/08/2010

播放本新聞相關短片

君如望做好善後工作

吳君如、周慧敏、馮寶寶與陳偉霆等昨晚以一身素服出席《得閒炒飯》首映禮,君如表示心情沉重及難過,並透露前晚偕菲律賓傭工一起觀看新聞報道:「冇嘢值得慶祝,成件事原本可以避免,但依家講乜都冇用,只希望香港同菲律賓政府做好啲善後工作。」她表示十多年前曾在菲律賓拍戲,但刻下會應港府呼籲,短期內不再前往當地。至於周慧敏則表示,整晚為死者祈禱,望他們得以安息。

另外,陳偉霆自爆本準備穿鮮紅色西裝到場,但慘劇發生後即改變主意:「電視直播時我排緊舞,覺得當地政府行動好慢,依家我搵緊相關慈善機構,想捐錢畀遇害家庭嘅遺孤。」據知,首映一度有意改期,但最終因演員檔期及場地關係而如期舉行。