洪卓立（Ken）及泳兒昨日為參加《英皇新秀歌唱大賽》的5位參賽者拉票及會面，當司儀問二人睇好哪一位參賽者時？泳兒表示做歌手除了要睇唱功外，更要懂得臨場「執生」：「好似我日前去鄭州表演，有曱甴伏喺我隻手度，雖然好驚，不過為怕影響演出，惟有頂硬上撥走佢！點知隻曱甴又飛到我個胸度，我惟有再鼓起勇氣掃走隻『小強』啦！」另外，前晚自佛山返港的Ken表示，坐車回程時，發現座駕出現飄移狀況：「原來個司機瞌緊眼瞓！為免發生車禍，惟有全程同個司機傾偈啦！」