港姐馬賽曾因無綫雪藏張舒雅，而被委派選國際小姐，對於應屆季軍莊思明因沒有香港特區護照而未能參選，馬賽昨日與陳山聰出席活動時力撐師妹：「三甲係一個團體，由公司分派適合工作畀大家。（有傳佢唔靚先唔畀選？）我接觸過佢，佢好大方，雖然唔係『第一眼美人』，不過實至名歸！」
至於徐淑敏出席另一個活動時表示，以往亦有港姐因年紀問題而改派代表參選，更力讚今屆港姐有氣質。至於其夫黃浩早前襲擊記者判守行為，她說：「老公已向我道歉，肯認錯值得嘉許！」另外，有讀者質疑當年楊洛婷等加拿大籍港姐可代表香港參選世界小姐，無綫曾醒明解釋世姐賽會沒有限制國籍，但國際小姐賽會則嚴格要求香港代表要有特區護照。
