周慧敏、吳君如、萬綺雯及陳偉霆等昨日宣傳新片《得閒炒飯》，盛傳懷孕的君如否認傳聞，卻對推戲而引起的揣測致歉：「我今次衰係衰在人哋開鏡前（指甘國亮新戲《熱愛島》）兩日先辭演，但劇組都有問題，佢哋一度『失蹤』咗三個禮拜，套戲話唔開又開……總之今次有人嬲係應該嘅！我要同甘先生同任達華Say Sorry！」她透露已致電甘國亮解畫，問到有否感到被人利用宣傳，她大方表示不介意。
鑑於君如當年懷有愛女陳是知時亦「矢口否認」，大家難免猜測她「照辦煮碗」，君如說：「大家放長雙眼睇囉！總之唔接戲係因為Peter（陳可辛）去咗雲南拍戲，個女又放緊暑假！（去雲南搵Peter造人？）嘩！嗰度二千幾呎高，老人家唔好搵啲咁嘢嚟搞……我話Peter呀！」至於周慧敏亦叮囑傳媒放過君如：「畀多啲私人空間佢啦！」並自爆有人以「周慧敏」之名開設微博及網誌，着粉絲切勿上當。
