憑E Cup上圍人氣急升的DaDa，昨日偕化身經典角色林亞珍的師妹「翻版大S」李莉琳（Liz），以及打扮成「台灣宅男女神」瑤瑤的王梓如（Ayu）出席商場活動。化身經典電影角色盜墓者羅拉的DaDa，穿上緊身背心及熱褲，明顯清減不少，招牌E Cup上圍更「跌晒Watt」：「因為公司安排影月曆，所以勒令我減肥十磅，依家成功減咗六磅，但係上圍跌咗半Cup！」

Ayu嘟嘴扮Cute抄足瑤瑤的招牌甫士，惜上圍大有不及。

Liz「林亞珍上身」頻托眼鏡，與蕭芳芳的原裝版有8成似。

「D以下接受唔到」

為配合公司政策，DaDa坦言不介意上圍縮水：「其實我以前身材都冇咁勁，只係得D，所以變番以前咁都冇所謂，但係我接受唔到D Cup以下嘅上圍！」更如「王祖藍Handelababy上身」般大發嬌嗔：「D Cup以下我接受唔到囉！我寧願肥少少喇！」她坦言嫌上圍不夠睇頭，故出騷前曾打算「裝假狗」，誓保咪神招牌：「本來諗住墊啲嘢，但係唔記得咗帶！」

Liz讚翟威廉識做

此外，前晚擔任《香港先生》評判之一的Liz笑言，當晚眼看手勿動，問到宣布(10)翟威廉榮膺五料香港先生時，現場是否噓聲四起，她說：「我都聽到噓聲！其實都知佢贏硬！因為我身邊好多人都投佢票，佢喺鏡頭後都好識做，四圍同人打招呼！」