樂壇天后容祖兒、楊千嬅、何韻詩、周麗淇、謝安琪、古巨基、林峯、側田與小琳等，昨晚出席假會展舉行的《新城邁向20聲光綻放音樂會》。基仔打頭陣演出，隨後一班歌手聯同新城電台董事總經理馬健生及DJ切蛋糕，場面熱鬧！

睇脊醫針灸治療

身穿TOGA紅裙的祖兒透露，最近忙於為一個音樂會綵排，豈料因勁歌熱舞及早前發生的炒車意外，令腰部舊患復發，她說：「上兩個月踩單車，踩嗰陣突然電話響，我掛住聽電話，搞到一時失平衡，衝向一架停低咗嘅旅遊巴。我明知會撞埋去，所以伸腳頂住架旅遊巴，但成個人拋物線飛落地，連電話都飛到幾丈遠！朋友即刻走過嚟問我有冇事，我起初以為瘀咗少少，但可能因為咁搞到條腰骨歪咗，一路都冇講畀媽咪知，呢兩日已經針灸同睇脊醫。」

林峯冷對負面新聞，坦言不是首次被攻擊。	與祖兒同場的何韻詩自彈自唱，粉絲聽出耳油。	基仔打頭陣出場，率先為電台賀壽。

撐林峯態度專業

提到同公司的林峯被傳態度囂張、遲到及開工時只顧打機等負面新聞，祖兒即力撐對方，坦言相信他的為人：「佢喺我眼中係好大體嘅人，有驚人耐力，好似佢做完演唱會，第二日要出席首映禮，如果畀着我可能會太攰去唔到，但佢好專業！（話佢掛住打機唔讀劇本？）佢係非常熟劇本，仲背埋我嗰啲。」記者笑言對林峯如此高評價，問祖兒會否「考慮」對方？她笑說：「又要考慮？未諗到呢個疆界同範疇喎！」當事人林峯則對報道大方回應：「過兩日又話我有17宗罪，我入行12年，唔係第一次畀人講，首先問番自己，係咪有嘢做得唔夠好？我知道唔可以討好全世界嘅人，好多謝好多人錫我。」

受緋聞纏身的許志安昨晚原定演唱三首歌，但結果只唱兩首。唱片公司發言人稱安仔日前患上感冒，擔心影響演出水準而減唱，並且不接受記者訪問。

新城董事總經理馬健生（中）帶領一班歌手舉行慶祝儀式。	許志安突然減唱，未知時否與是非纏身有關。	久未露面的小琳亦有上台獻唱。