今晚《2010香港先生選舉》假電視廣播城一廠舉行，10位參賽者昨日進行總綵排，並穿泳褲見傳媒，往年不少參賽者既擺有型甫士、又不時擠眉弄眼，但今年的參賽者則相當拘謹，甫士欠奉，更明顯感尷尬及緊張。當中，(1)陳嘉裕、(2)李言功、(4)葉建希、(8)劉志偉及(10)翟威廉身形較健碩，而(5)白健恩、(6)鄭文康、(9)葉家泓及(10)翟威廉則體毛發達，分別露出臍毛及胸毛。

(10)翟威廉表示會臨急抱佛腳做掌上壓。	A. Lin（右）與DaDa Lo結伴揀戰衣。	(5)白健恩有信心奪冠。

接受天生冇毛

(3)黃田麒向來受人注目，身形瘦削，只有124磅的他，儼如「小朋友」，記者叫他擺有型甫士影相時，他竟然抖大氣谷胸，相當搞笑，事後他說：「我有谷行o架！已經盡晒力，一個月胸肌由34吋增到35吋半已經好好成績。（點解擺甫士時要抖大氣？）谷胸嘛！谷胸係要呼吓呼吓，咁樣影相出嚟效果好啲！」提到他身形如小朋友般，他笑說：「咁咪Cute囉！」再指他連體毛都不及其他人，他說：「問我老竇呀！基因問題，天生我冇毛，如果成身毛咁細隻好難睇，我接受唔到。」

至於白健恩及翟威廉皆視對方為「勁敵」，翟威廉坦言狀態不如參加亞洲先生，他說：「出場前再做掌上壓，臨急抱佛腳都要。（係咪準備畀人摸？）玩吓冇所謂，氣氛嚟啫！」而白健恩坦言有信心奪冠，但他指翟威廉是大熱、人緣好，外形平均，是最大勁敵。

今晚參賽者會穿螢光泳褲透過3D科技製作濕身示人，而監製衛世輝表示今年參賽者與往年不一樣，不會走到女評判坐的包廂，亦不會跟她們有身體接觸。

DaDa A. Lin揀戰衣

此外，o靚模組合SugarBeez的A. Lin與DaDa Lo為今晚出席港男揀戰衣，兩女為不讓港男專美，一起以性感透視裝搶鏡。其中A. Lin試了兩套低胸靚衫，盡晒33C豐滿上圍，而DaDa亦特別挑選透視短裙出擊。雖然今年無綫表示港男「唔摸得」，但她們認為一次過睇到多位猛男，已大飽眼福。