譚詠麟又開騷喇！身為殿堂級歌手，當然有大把品牌贊助啦，不過今次有啲「特別」，喺眾多贊助中，就有一間平民茶餐廳蘭芳園做贊助，原來阿倫同間茶餐廳有段淵源！
小小So：點解有間平民茶餐廳贊助你個唱？
阿 倫：我同茶餐廳老闆識於微時，大家做咗朋友！
小小So：係咪你成日幫襯，所以做咗好Friend？
阿 倫：係！茶餐廳總店喺中環，係街邊大牌檔嗰種，嗰時我未紅，所以成日幫襯，仲叫到成枱嘢食，我係大客咪傾多兩句！有次我喺茶餐廳食嘢，見到老闆愁眉苦面，原來茶餐廳撻地要重建，老闆知道舖頭就快冇好唔開心，我咪幫佢打個電話！
小小So：咩電話呀？
阿 倫：見佢咁慘，就打畀議員話茶餐廳係旅遊熱點，好多日本遊客拎住旅遊指南嚟搵食嘢，呢間茶餐廳可以帶旺旅遊業，如果拆咗唔係咁好！
小小So：結果呢？
阿 倫：議員聽到，就決定唔拆，佢哋知我幫手好多謝我。