繼早年為導演陳可辛誕下一女後，近日盛傳君如再度有喜，但未知她是否怕腹中塊肉小器，所以對自己懷孕一事守口如瓶！不過，紙始終包不住火，近日有指她因大肚而推掉由甘國亮執導的新片《熱愛島》，甘國亮更改而屬意由劉嘉玲頂上，令君如有喜之說言之鑿鑿！

君如、陳可辛及女兒一家三口，快要迎接新家庭成員。 資料圖片

任達華及琦琦雙雙睇騷，相當恩愛！

不過，君如大肚始終是圈中喜事，落實接拍《熱》片的任達華，昨晚與甘國亮出席Gucci派對時，不禁向全世界公布喜訊！華哥更表示已準備相機送給君如作為禮物：「之前問君如係咪有咗，佢就成日話未講得住！（冇得同君如合作，係咪感到好可惜？）唔會！出年我哋會拍羅啟銳執導嘅《鐵路》！甘生（甘國亮）好挑剔，大家知好角色唔只搵一個人！」

甘國亮雖然寸住爆君如有喜，但仍祝福對方。

君如雖然有喜，但近日仍落力宣傳新片。 資料圖片

等嘉玲落實

華哥接受訪問之時，身旁的甘國亮即插嘴說：「以後搵女主角都會請問佢會不會懷孕！」他坦言正等待嘉玲回覆，但承認君如因懷孕而辭演：「開頭唔知佢有咗，係睇報道先知！佢唔係大肚，最多係有咗啫！」他更坦言嘉玲頂替君如演同一角色：「老實講係一樣，我一直想嘉玲做，真係對君如唔住！我心裏首選係嘉玲，不過佢係富甲一方嘅商人，仲等佢回覆！」

另一方面，截至今日凌晨截稿前，君如及其經理人仍未回覆有喜一事，相信是為了靜心安胎，而提早休息。