本年搞作多多的Lady GaGa，先忙於宣傳其重新出版新碟《The Fame Monster》，接着又要錄製新碟及出席其他宣傳活動，可謂忙個不停！而其《The Monster Ball全球巡迴演唱會》已於6月展開，現已舉行得如火如荼，直至明年2月才結束，但一分耕耘一分收穫，絞盡腦汁設計奇特衣服及落力演出的GaGa，結果賺得巨大收入，估計僅僅巡迴演出已為她帶來2億美元（約15.6億港元）收益，肯定成為全年最賣座的演唱會之一！

監製激讚有驚喜

雖然GaGa花盡心思在台上為觀眾帶來耳目一新的視聽享受，但她的創意卻源源不絕，其新唱片監製RedOne接受訪問時說：「GaGa嘅新碟只可以用驚喜嚟形容！雖然聽眾鍾意GaGa嘅歌曲風格，但佢就想畀樂迷一個驚喜，相信佢哋一聽就會大叫：『天呀！』今次我哋想玩得更盡，每個年代都有佢嘅代表曲風，而我哋就想成為呢個世代嘅代表！」GaGa的新碟將於明年推出，相信RedOne這番話已令不少GaGa迷引頸以待！