范萱蔚（Percy）對水療素有認識，談及效用更是如數家珍一樣，她說：「做Spa真係好好O架！除咗紓緩疲勞，其實仲有好多好處，叫得『水療』，當然有治療作用啦！」她笑言在水療過程中可過足「公主癮」，她說：「我最鍾意將花瓣鋪滿水面，好似電影女主角咁，十足全身做Facial！」

恨浸朱古力Spa

對Spa甚有研究的Percy，細數世界各地不同類型的Spa，治療作用亦各有不同：「好似奧地利有個啤酒水療，另外仲聽過黑麻麻嘅石油原油都可以做水療，原油Spa仲可以醫濕疹、風濕等病症，真係好厲害！」問Percy最想試甚麼類型的Spa，她首選「朱古力Spa」，她興奮地說：「梗係要試朱古力Spa啦！諗起都覺得香噴噴，聽講係將熱辣辣嘅朱古力漿搽喺身上，等肌膚可以吸收朱古力入面嘅可可粉，佢入面嘅成分可以紓緩壓力，最緊要係可以拉緊皮膚！」

Percy還化身水療大師，提醒浸浴水療的過程有多項注意事項，除孕婦與長者不宜外，還有多個大忌：「首先梗係要注意舖頭嘅衞生啦！另外，如果身體有咩唔舒服，都應該話畀治療師知，等佢去判斷適唔適合做水療。仲有，千祈唔好連頭浸落去！」