伍允龍早前走訪西班牙及德國拍攝節目《功夫傳奇》，Philip笑言此行除了認識很多志同道合、熱愛武術的朋友外，更治好了困擾他長達8年的舊患：「我喺西班牙認識嘅黃師傅好Nice，佢係第一個華人飛去西班牙教洪拳嘅，佢除咗成日請我食飯，仲幫我放血添！事緣我背脊不嬲有個舊患，佢一知道就幫我放晒啲瘀血出嚟，整完個人即刻鬆晒，唔使點用力都拗得直條腰。我其實不嬲唔係好信中醫，但經過今次之後都心服口服。」他又指西班牙生活節奏雖然慢，但當地人熱情而且風景優美；至於德國，則勝在人民夠親切，並能以手語跟他溝通，空氣亦很清新。

舊患痊愈的伍允龍在西班牙練功。

伍允龍在德國以武會友。

霆鋒講「湊仔樂」

早前忙於拍攝電影《財神客棧》的他，笑言好友謝霆鋒在片場經常「笑到四萬咁口」，更經常大講「湊仔樂」：「佢成日畀Video同好多相我睇，喺其中一個Video入面，我見到Lucas當啲氣球沙包咁打，好有佢老竇嘅影子，霆鋒講親佢都笑不攏嘴。」