余文樂難忘與張雨綺演出由羅志良執導的新片《荒村公寓》，他表示拍攝時正值寒冬，每天在北京郊外冒着零下十多度氣溫取景，既寒冷又乾燥的天氣令他每天流鼻血：「最可怕係天氣令情緒極之低落，今次都算係我從影以嚟最辛苦嘅頭三位，我有鼻敏感、氣管又有問題，日日都流鼻血，就算着幾多衫都好似冇着咁凍！」他直言拍至最後一星期，只剩下一罐豆豉鯪魚，當時捨不得食，要跟助手開會商量食還是不食，天天倒數日子等返港。
不過，余文樂坦言對手張雨綺比他準備充足：「張雨綺本身係北京人，習慣當地天氣，佢好爽朗，仲好捱得，成個跳落井浸落去拍足2個鐘，好彩冇激烈親熱戲，唔使冒寒除衫。」是次在郊外拍驚慄愛情片，他透露一度未能開機：「等到全組燒香之後就冇事，我又唔係好擔心，驚攰多過驚鬼！」