千嬅比丁子高年長五年，當初兩人拍拖，千嬅的父母確有擔心過，她說：「爹哋對我一向好有信心，但第一次我帶丁子高見家長時，見到一個年紀細過我嘅人，做父母嘅自然會擔心，擔心佢嘅能力係咪可以照顧到我。」但相處過後，父母對他有所改觀，讚賞他是個踏實的人，也感受到丁子高對千嬅愛護有加。

千嬅大讚老公丁子高踏實可靠。

踏入人生另一階段的千嬅，夫婦同心面對流言。

外界經常將千嬅的身家與丁子高比較，幸兩人EQ都高，千嬅說：「人哋點講我唔會介意、介懷，因為唔係事實，佢咁努力去做，都係想證明畀大家睇佢嘅努力，我早佢出世五年，佢冇可能會快過我（賺錢），我欣賞佢有上進心同潛在能力，男人肯擔起頭家，承擔大過一切，呢啲唔係財富計算到，我哋財政好獨立。」

「有人搬弄是非」

性格硬淨的千嬅，絕不輕易被人打沉，曾被批評唱Live走音的她說：「一日在生、有心跳、有生命，唔好畀人講兩句就打沉，人總有起跌，話兩句都唔得點出嚟做人，作為一個專業歌手，傷風唱得唔好、一個噴嚏都唔得，要記住薪酬係包埋畀人批評。」

離開由黎明揸弗的Amusic，重投華星娘家懷抱的千嬅，重談昔日與黎明的不和傳聞，她豁然地說：「我係有話直說嘅人，唔會背後講人是非，開會傾唱片係應該有意見，冇意見點會進步？」千嬅相信不和傳言是有人從中搬弄是非，她說：「我冇做錯，冇講過、冇做過唔使驚。」