屬bma旗下的歌手曹格（Gary），昨日在上海與摩力集團簽約，以380萬元人民幣酬勞擔任摩力網遊形象代言人，並為兩個格鬥遊戲創作主題曲。對於豐厚酬金，Gary坦言非常滿意，並笑說：「之前我都唔知酬勞有幾多，直到今日Press Con先知有咁多，真係好開心，希望日後有更多公司搵我做代言人同搵我作歌！」
另外，Gary透露近半年愛上網絡格鬥遊戲：「我好多時都鍾意喺屋企玩網上格鬥遊戲，因為喺網上同朋友玩，唔會傷感情，現實就唔好喇！玩格鬥遊戲其實係用嚟減壓輕鬆，但當然唔可以太沉迷，每件事都要適可而止，好似飲酒咁，飲少少可以養身，飲多就唔係一件好事！」