首次擔任港男選舉評判的DaDa，為求當晚艷壓全場，昨晚相約師妹「翻版大S」Liz和o靚模Ivy到時裝店My Seasons挑選戰衣。DaDa主攻低胸晚裝，實行以性感姿態亮相，問到會否支持男友參選港男？她表示會尊重對方決定：「我舊男友身形冇港男咁好，佢唔敢去，如果佢真係參選，我都會支持。」至於選港男好似選男友，DaDa透露評分會以當日表現為準，但揀男友一定要內外兼備。在旁的Liz和Ivy則笑言十分期待3D泳裝環節，更會帶備口水肩，以防屆時興奮到流口水弄濕靚裙。

Ivy（右起）和Liz表示帶定口水肩睇港男，DaDa則眼看手勿動。

DaDa（中）率領師妹Ivy（左）和Liz揀靚衫。

齋摸男友

對於今屆港男因投訴太多，以致評判只能眼看手勿動，DaDa坦言十分認同此做法，除了男友外，她亦不會摸其他異性：「我覺得未必個個人都接受到畀人摸，我會尊重每一個人。不過我好驚港男太大隻兼搽太多油，會嚇親我，我鍾意啲官仔骨骨斯文型，當中較睇好翟威廉同白健恩。」此外，有傳與Square成員Gary翻撻的DaDa，否認Gary是男友，堅稱對方只是她的好好朋友，上次見面後已沒有再見，認為毋須得Gary批准才做港男評判。