已有半年冇出碟的祖兒，昨日為全新EP《空港》舉行發布會，同場更首播主打歌《破相》MV，她笑言新碟造型較樸素，是挑戰自我膽量：「平時個妝比較濃，今次冇乜顏色，好似翻轉晒咁，好鍾意！」她透露Mani將到外地進修半年，令她心癢癢：「我都好想去！不過太多嘢放唔低，工作都排到下年喇！（唔捨得佢？）都有少少o架！」

祖兒推出新碟，率先開香檳祝捷。

阿詩（左）及蒙嘉慧出席時裝活動，分享穿衣之道。

祖兒笑言將要照顧自己，學習有事直接通知同事。記者笑言Mani到外地秘密結婚？祖兒笑說：「我唔知呀！不過佢每隔兩、三年都會抖吓！」她自爆Mani非常緊張其感情生活，不時介紹男孩給她認識：「通常都係朋友嘅細佬、乜乜個仔！（富豪二代？）我都唔識！我唔鍾意刻意安排嘅緣分！（唔怕做剩女？）呢個詞語我唔係好理解，話明『剩』，即係『用完用剩』啦！我都未開封，我有信心大把市場！」

阿詩爭住認「盛女」

另一邊廂，祖兒好友何韻詩昨晚出席Ann Demeulemeester專門店開幕活動，對於祖兒被指是剩女，阿詩即力撐好友：「我呢啲先係，30幾歲人，不過係豐盛個盛，祝佢好運啦！（陪祖兒做剩女？）唔敢陪！陪唔到佢，佢自己好自為之！」另外，大會在新聞稿表示贊助她穿裙亮相，但她卻穿褲：「每次見到我着裙都係奇迹，就當我唔鍾意着裙啦！」至於同場的蒙嘉慧則否認與鄭伊健及其父母旅行時黑面。另外，阿詩於微博自爆食嘢「骾親」，其助手代回應：「阿詩喺醫院照咗內窺鏡，醫生話等舊食物溶化就冇事，唔使擔心！」