張栢文有份投資的夜店Prime Bar & Lounge昨晚開幕，身為家姐的栢芝，昨晚與老公霆鋒拍拖撐場，席間聞歌起舞，搶去蘇永康、葉佩雯及吳雨霏等嘉賓風頭！霆鋒與栢芝更分別掛住Quintus及Lucas字樣的頸鏈，提到Quintus出世百日，栢芝說：「咁啱老公返嚟香港，今日返奶奶度食飯，聽日我哋一家人會食飯，Quintus就飲奶！佢依家係個18磅嘅肥仔，肥到轉唔到身！（唔帶Lucas嚟？）我驚佢嚟到會上台搶結他嚟掟！」

栢芝拖着老公霆鋒，又帶着大仔Lucas，心滿意足。

栢芝不禁摸栢文面珠，姊弟情深，而張豪龍亦有撐場！

想生個女兒

栢芝近日專心留家湊仔，復工計劃要留待經理人落實，問到會否再生？她說：「一定再生！生女都冇乜所謂，屋企依家有3條煙（Ace），多條Queen冇所謂！」她坦言跟栢文一見就感動得相擁而泣，更承認提供不少做生意的意見，但不回應有否金錢資助。另外，對於被傳曾跟許志安（安仔）拍拖，她表示為免轉移焦點而拒絕回應。而霆鋒前日跟栢芝在中環行街，購買名貴的Leica相機，未知是否為Quintus拍攝寫真集。

張豪龍	吳雨霏擔任表演嘉賓，看來甚High！

另外，狄波拉（拉姑）昨晚探完Quintus後離開四季酒店，問到如何慶祝？她笑笑口說：「食餐勁囉！（送咩禮物？）日日都送啦！」隨後約8時，霆鋒拖着栢芝離開酒店，而Lucas則由傭人照顧，邊行邊向鏡頭揮動玩具劍！不過霆鋒未有回應問題，即駕車到拉姑寓所。