警鐘胸模特兒Jessica C.昨日與男友Sergio應邀為護膚品牌Clinelle活動撐場，Jessica以一襲低胸露背連身短裙現身鬧市，大騷噴血身材，吸引數十位途人圍觀。男友Sergio亦指她着得太性感，但絕不介意，還自稱很喜歡她的性感打扮。

放大圖片	Jessica與Sergio於活動上打情罵俏，甜到漏。

對於莊思敏公開承認隆胸，上圍由A Cup變C Cup，成功升呢加入導彈一族，Jessica也表示看過報道，並說：「佢擁有依家呢個身形，好戥佢開心，女人有大啲嘅胸部，會覺得自己更加似女人！」當記者問Sergio是否滿意女友的身形及美貌，會否叫她整容，Jessica即搞笑地叮囑：「你小心啲講！」Sergio即公開大讚女友：「佢係完美嘅，唔需要整任何嘢。」Jessica聞言相當滿意，甜到漏地說：「好啦！今晚返去煮飯畀你食。」

Sergio出手代「脫衣」

活動期間，Jessica穿上氣球小斗篷，並由Sergio替她拆開蝴蝶結將小斗篷脫下，她笑言從未將自己包裝成禮物送給男友：「我哋日日都見面，就算我咁做，都唔會有驚喜。」此外，Jessica透露近日因拍戲而曬黑不少，故煞科後會努力護膚救亡。