熊黛林昨日穿上由設計師何國鉦打造、價值近1,300萬元的鑽石婚紗，她揚言未恨嫁，但發表40歲前結婚宣言，與郭富城不婚不同居的宣言有矛盾。問到是否願意做背後的女人？熊黛林說：「唔結婚梗係唔得啦！」至於如果有了BB怎辦？她坦言有意外的話才算。問到是否做足安全措施？她一臉尷尬地說：「我未開放到喺公眾場合講呢啲嘢，我都好怕醜！」對於被指向城城逼婚及同居，她說：「冇諗過咁快結婚，點會逼婚？」她直斥報道內容不實，又指出破綻：「啲衫咁厚，唔係最近影嘅相嚟o架！」
此外，身在台灣宣傳電影《全城戒備》的城城，被問到被指有老人斑，他反問又如何：「我都已經係44歲嘅男人，又冇話自己係30歲！」司儀黃子佼即發揮搞笑本色：「把斑點遮一遮。」其後城城現身羅志祥（小豬）主持的節目，兩位舞王相遇即合照，小豬還在微博晒合照！