樂壇天后容祖兒（Joey）全新EP《2010空港》將於明日推出，由鑽石級創作陣容為她打造名曲，當中以陳輝陽作曲、黃偉文填詞的《破相》最令她「決堤」！她說：「每首歌都用咗無數心機同時間去完成，但最難忘一定係呢首歌，每次錄嘅時候都喊，應該係我有史以嚟喊得最多嘅一首歌，都有諗過如果唱Live點算，希望到時可以控制到啦！」至於由Edward Chan與小克炮製的《星圖》則以Joey喜愛的砌圖融入歌詞，她說：「小克用咗砌圖去比喻我嘅人生，寫得好貼切！」
此外，唱片封套中，Joey穿上意大利新進的陶瓷概念衣飾，變身古希臘女神，大晒優雅清純一面，她說：「設計師特登搵番嚟嘅，我好鍾意呢個優雅造型，一路都有留意呢種服飾，希望嚟緊個唱都可以搵到適合嘅着嚟表演！」